Það er ekki ódýrt að eiga bíl í Danmörku, þeir eru dýrir, bensín er dýrt og það getur verið dýrt að leggja í stóru borgunum og bæjunum. Í Kaupmannahöfn er hægt að kaupa bílastæði og kosta þau að jafnaði sem svarar til 6 til 11 milljóna íslenskra króna. En á Friðriksbergi er nú hægt að kaupa stæði fyrir sem svarar til tæplega 19 milljóna íslenskra króna.

Fyrir þessa upphæð er hægt að kaupa rúmlega 80.000 lítra af bensíni eða næstum átta Skodia Fabia bíla. Það er því greinilega ekki á allra færi að kaupa stæði sem þetta en þau eru í glæsilegu húsi sem er í byggingu. Þar kosta ódýrustu stæðin sem svarar til um 9 milljóna íslenskra króna.

Í Árósum eru bílastæði einnig dýr miðsvæðis en þar kosta þau sem nemur allt að 7 milljónum íslenskra króna. En þar er auðvitað hægt, eins og í Kaupmannahöfn, að leigja stæði í stað þess að kaupa þau.