Á umsömdum stað hittu þau seljandann, konu, og afhentu henni peningana og fengu kassa í staðinn. Konan hljóp síðan strax á brott. Hjónin opnuðu kassann en í honum var enginn sími heldur aðeins tvö sápustykki.
Þau reyndu að elta seljandann en fundu hana ekki. Þetta var þeim sárt því þau höfðu sparað og sparað í sex mánuði til að geta gefið dóttur sinni símann.
Þau kærðu málið til lögreglunnar en hafa enn ekki fengið síma eða peningana sína aftur.
Til að nudda salti í sárin heyrði Samantha síðan að seljandinn hefði montað sig af þessu á Facebook.
En enn eru ekki öll kurl komin til grafar því lögreglunni tókst að komast að hver seljandinn er því hún gaf Samantha upp símanúmer sitt þegar kaupferlið stóð yfir. Hún hefur verið boðuð fyrir dóm vegna málsins og verður handtekin ef hún mætir ekki.
Samantha tókst síðan að skrapa saman nægilegt fé til að kaupa annan síma handa dóttur sinni og fór afhendingin fram á öruggum stað og gekk allt eins og í sögu.