BBC skýrir frá þessu. Í umfjöllun miðilsins kemur fram að kona, sem nefnd er Sophie, hafi orðið fyrir því að klámmyndbönd, með henni í aðalhlutverki, voru sett á síðuna án hennar vitundar eða leyfis. Þau fengu mörg hundruð þúsund áhorf og voru um tíma meðal vinsælasta efnisins á síðunni.
Baráttuhreyfingin #NotYourPorn segir að efni sem þetta færi eigendum Pornhub, sem er MindGeek fyrirtækið, miklar auglýsingatekjur. Pornhub segir á móti að fyrirtækið „fordæmdi sterklega“ myndefni af þessu tagi og segist vera með hörðust reglurnar um hefndarklám í þessum geira.
Fyrirtækið sagðist ekki finna neina tölvupósta frá Sophie þar sem hún hafi beðið um að efni með henni verði fjarlægt af síðunni en hafi sett sig í samband við hana og „hlakki til að leysa þetta mál í samvinnu við hana“.
Sophie sagði BBC hún hafi uppgötvað að þessi myndbönd höfðu verið birt af henni fyrir um 18 mánuðum. Þá hafi unnusti systur hans rekist á þau á Pornhub. Sophie hafði gert þessi myndbönd með fyrrum unnusta sínum nokkrum árum áður en hafði ekki gefið leyfi fyrir að þau væru birt á netinu.
Innan viku eftir að hún komst að tilvist myndbandanna á Pornhug voru þau fjarlægð. En það var of seint því einhver hafði búið til um 100 klippur úr þeim og voru þær sífellt settar inn á síðuna á nýjan leik. Þegar hún tilkynnti það til Pornhub var litla sem enga hjálp að fá. Hún komst í samband við annað fyrirtæki sem sér um að afgreiða beiðnir til Pornhub um að fjarlægja myndbönd en segir að þar hafi viðbrögðin látið á sér standa. Hún leitaði einnig til lögreglunnar en þar á bæ hefur lítið gerst enn sem komið er og enginn hefur verið kærður vegna málsins.
Kate Isaacs, hjá #NotYourPorn, sagði að hefndarklám væri oft merkt sem „heimagert“ eða „amatör“ efni á síðunni en þetta eru tvö vinsæl leitarorð og því skapa þau og myndbönd, sem falla undir þessa flokka, eigendunum mikil verðmæti.
Þegar Sophie uppgötvaði að myndböndin höfðu verið birt á netinu var hún nýbyrjuð í sambandi og hafði málið mikil áhrif á sambandið. Vinir nýja unnustans gerðu grín að honum þegar þeir hittu hann. Hún á einnig dóttur á unglingsaldri og hefur þetta haft mikil áhrif á hana.
„Hún hefur ekki verið sú sama síðan.“
Sagði Sophie.