Undirréttur fylgdi dómafordæmi hæstaréttar hvað varðar refsiþyngd. Danska þingið setti lög á sínum tíma sem banna dönskum ríkisborgurum að halda sig á átakasvæðum í Írak og Sýrlandi. En þetta hunsaði maðurinn og fór til að berjast gegn hryðjuverkasamtökunum með liðssveitum Kúrda.
Maðurinn tók sér umhugsunarfrest um hvort hann áfrýjar málinu til hæstaréttar.
Tilgangurinn með lögunum var að geta refsað þeim sem gengu til liðs við Íslamska ríkið. Aðeins hafa tveir dómar fallið vegna brots á lögunum og í báðum tilfellum börðust hinir dæmdu með Kúrdum gegn Íslamska ríkinu.
