Tveir ungir menn, 19 og 20 ára, fundust látnir í íbúð í Silkeborg á Jótlandi í Danmörku á laugardagskvöldið. Þeir voru heima hjá vini sínum sem fann þá látna. Lögreglan telur að mennirnir hafa látist af völdum of stórs skammts af sterku verkjalyfi en það hefur notið töluverðra vinsælda meðal ungmenna í bænum að undanförnu.

Niðurstaða krufningar liggur ekki enn fyrir en Ekstra Bladet hefur eftir talsmanni lögreglunnar að talið sé mennirnir hafi notað verkjalyfið Doltard 30mg en það er mjög sterkt og getur verið banvænt ef of mikið er tekið af því.

Ungu mennirnir höfðu lagst inn í herbergi heima hjá vini sínum til að hvíla sig. Þegar hann fór að gæta að þeim voru þeir líflausir. Þeir voru úrskurðaðir látnir á vettvangi.

Doltard er lyfseðilsskylt en talsmaður lögreglunnar sagði að svo virðist sem auðvelt sé að verða sér úti um lyfið á netinu.