Lögreglan, sem gaf barninu, sem er stúlka, nafnið Baby India, sendi myndbandið frá sér í þeirri von að einhver gæti gefið vísbendingar um hverjir gætu verið foreldrar barnsins.
Í myndbandinu sést hvar lögreglan rífur gat á plastpokann og vefur svo teppi um nýfætt barnið. Maður, sem býr í nágrenni við þann stað sem barnið fannst, hafði samband við lögregluna. Hann sagðist hafa heyrt öskrin frá húsinu sínu og fór út í skóg til að kanna málið.
Lögreglan í Forsyth County segir frá því á Facebook síðu sinni að barnið sé komið í hendur barnaverndaryfirvalda og að stúlkan hafi það eftir atvikum gott.
Lögreglan rannsakar nú málið.