fbpx
Laugardagur 17.ágúst 2019  |

DV - Frjáls og óháður miðill

Sandkorn

Kata fattar

FréttirPressan

Þessi spurning leiddi til handtöku eiginmannsins, 38 árum eftir að hún hvarf

Ritstjórn Pressunnar
Laugardaginn 20. apríl 2019 18:00

Ekki missa af Helstu tíðindum dagsins í pósthólfið þitt

Lesa nánar

Það var ekki lík, DNA-sýni eða játning sem leiddi til handtöku hins 76 ára William Korzon, íbúa í Bucks-sýslu í Pennsylvaníu í Bandaríkjunum. William þessi er grunaður um að hafa komið eiginkonu sinni fyrir kattarnef árið 1981, eða fyrir 38 árum.

William var handtekinn á fimmtudag en það var ákveðið svar sem hann gaf við spurningum lögreglunnar í yfirheyrslum fyrir skemmstu sem leiddu til handtökunnar. Eiginkona Williams, Gloria Korzon, hvarf sporlaust árið 1981 og hefur William ávallt haldið því fram að hún hafi farið frá honum og sest að á Flórída til að hefja nýtt líf.

Þetta vakti þó ákveðnar grunsemdir hjá lögregla því ekkert hefur spurst til Gloriu í allan þennan tíma. Ekkert gaf til kynna að hún hefði flúið heimilið eða sest að á nýjum stað.

Lögregla hóf rannsókn málsins að nýju á þessu ári og ræddi við William. Spurningin sem á endanum leiddi til handtökunnar var þessi: „Eruð þið búnir að finna líkið?“

Þetta vakti athygli lögreglunnar enda hafði William ávallt haldið því fram að hún hefði yfirgefið heimili þeirra eftir vinnu þann 6. mars árið 1981. William var þekktur ofbeldismaður á sínum tíma og hafði hann lagt hendur á Gloriu áður en hún hvarf. Augu lögreglunnar beindust því að honum þó lögregla hafi átt erfitt með að sanna að hann hafi átt aðild að hvarfinu.

Saksóknarinn í Bucks-sýslu, Matthew Weintraub, segir að lögregla hafi ekki enn fundið líkamsleifar Gloriu en telur engu að síður að ekki sé eftir neinu að bíða lengur. Rökstuddur grunur sé uppi um að William hafi banað eiginkonu sinni og látið verði reyna á málið fyrir dómstólum. Það gæti þó reynst erfitt að ná fram sakfellingu þar sem engin bein sönnunargögn tengja hann við málið.

„Við getum ekki beðið lengur. Fjölskylda Gloriu hefur þurft að bíða nógu lengi,“ segir hann.

Lögregla segir að árið 1967, sama ár og William og Gloria gengu í hjónaband, hafi William hótað að drepa eiginkonu sína. Árið 1968 réðst hann á hana, braut á henni handlegginn og veitti henni áverka í andliti. Í kjölfarið skrifaði hún föður sínum bréf um ofbeldishneigð Williams og ráðlagði honum að opna bréfið ekki nema eitthvað kæmi fyrir hana.

William á yfir höfði sér lífstíðarfangelsi verði hann fundinn sekur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Flugfreyjan var svo drukkin að hún vissi ekki hvar hún var

Flugfreyjan var svo drukkin að hún vissi ekki hvar hún var
Pressan
Í gær

Ráðgáta í Danmörku: Samkynhneigð mörgæs ungaði út eggi – Enginn veit hvaðan eggið kom

Ráðgáta í Danmörku: Samkynhneigð mörgæs ungaði út eggi – Enginn veit hvaðan eggið kom
Pressan
Fyrir 2 dögum

Nora talin hafa verið á lífi í viku í skóginum – Sögð hafa dáið úr hungri

Nora talin hafa verið á lífi í viku í skóginum – Sögð hafa dáið úr hungri
Pressan
Fyrir 2 dögum

Nýtt bóluefni gegn klamydíu gefur góða raun – „Virkaði nákvæmlega eins og við vonuðum“

Nýtt bóluefni gegn klamydíu gefur góða raun – „Virkaði nákvæmlega eins og við vonuðum“
Fyrir 2 dögum

Stærsti fiskur sumarsins til þessa úr Laxá í Aðaldal

Stærsti fiskur sumarsins til þessa úr Laxá í Aðaldal
Fyrir 2 dögum

Skipstjórinn setti í bolta urriða

Skipstjórinn setti í bolta urriða
Pressan
Fyrir 2 dögum

Fíkniefni streyma yfir Kyrrahafið – Mikið magn kókaíns rak á land

Fíkniefni streyma yfir Kyrrahafið – Mikið magn kókaíns rak á land
Pressan
Fyrir 3 dögum

Greindi frá andláti Epstein 38 mínútum áður: „Ekki spyrja hvernig ég veit það“

Greindi frá andláti Epstein 38 mínútum áður: „Ekki spyrja hvernig ég veit það“