Þriðjudagur 28.janúar 2020
Pressan

Hvarf Anne-Elisabeth – Hér gæti lausnina verið að finna

Kristján Kristjánsson
Mánudaginn 9. desember 2019 07:00

Anne-Elisabeth Falkevik Hagen og heimili hennar. Skjáskot af vef Aftenposten.

Ekki missa af Helstu tíðindum dagsins í pósthólfið þitt

Lesa nánar

Norska lögreglan vinnur enn hörðum höndum að rannsókninni á hvarfi milljarðamæringsins Anne-Elisabeth Hagen en hún hvarf frá heimili sínu í Lørenskog, í útjaðri Osló, að morgni 31. október á síðasta ári. Lögreglan telur mjög líklegt að hún hafi verið myrt og rannsakar málið út frá þeirri kenningu.

Í fréttum í haust hefur komið fram að lögreglan er nokkuð vongóð um að geta leyst málið og taldi um hríð að það tækist fyrir áramót. Nú er þó útlit fyrir að það gangi ekki eftir. Þetta hefur TV2 eftir Tommy Brøske sem stýrir rannsókninni.

Hann sagði að það séu vissar ástæður fyrir að ekki hafi enn tekist að leysa málið en lögreglan hafi hugmyndir um hvar lausn málsins sé að finna. Góður gangur sé í rannsókninni og henni miði áfram.

Ekkert hefur heyrst frá Anne-Elisabeth eða spurst til hennar eftir að hún ræddi við ættingja sinn í síma að morgni 31. október 2018. Á heimili Hagen-hjónanna voru ummerki um átök og ofbeldi. Þar fundust einnig miðar með kröfu um lausnargjald.

Lögreglan hefur opinberað ýmis sönnunargögn í málinu smátt og smátt. Meðal annars hefur hún lýst eftir ákveðinni skótegund, skýrt frá smáatriðum varðandi hótunarbréf sem var í húsinu og að bönd hafi fundist.

Skór af þeirri tegund sem lögreglan vildi upplýsingar um. Mynd:Norska lögreglan

Málið var í fyrstu rannsakað sem mannrán en í sumar breytti rannsóknin um stefnu og fór yfir í að vera morðrannsókn. Lögreglan vinnur út frá þeirri kenningu að Anne-Elisabeth hafi verið myrt en reynt hafi verið að villa um fyrir lögreglunni með því að láta líta út fyrir að henni hefði verið rænt.

Brøske sagði að enn væri verið að rannsaka ákveðna bíla í tengslum við málið. Í upphafi voru það 20 bílar sem lögreglan vildi skoða nánar en nú eru þeir tæplega 10. Þetta eru bílar sem voru á ferð nærri heimili Hagen-hjónanna umræddan morgun. Lögreglan telur að hugsanlega sé hægt að leysa málið ef það tekst að hafa uppi á öllum bílunum.

Lögreglan hefur einnig tekið saman lista yfir hugsanlega gerendur en á honum eru aðilar sem lögreglan telur hafa getu til að undirbúa og framkvæma svo alvarlegt afbrot sem málið er. Talið er að aðgerðin hafi verið skipulögð mánuðum saman áður en látið var til skara skríða.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 23 klukkutímum

Lúxushótel býður upp á gistingu með fílum

Lúxushótel býður upp á gistingu með fílum
Pressan
Í gær

Deila fallegum sögum af Kobe Bryant – Hjálpaði eftir alvarlegt bílslys skömmu áður en hann lést

Deila fallegum sögum af Kobe Bryant – Hjálpaði eftir alvarlegt bílslys skömmu áður en hann lést
Pressan
Fyrir 2 dögum

Litla, ljóta leyndarmálið í flugbransanum

Litla, ljóta leyndarmálið í flugbransanum
Pressan
Fyrir 2 dögum

Kínverjar hyggjast banna einnota plast

Kínverjar hyggjast banna einnota plast