Þriðjudagur 21.janúar 2020
Pressan

Dauði poppstjörnu kyndir undir umræðu um „njósnamyndavélafaraldur“

Kristján Kristjánsson
Föstudaginn 6. desember 2019 06:00

Goo Hara. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Nýlega lést ung kona að nafni Goo Hara í Suður-Kóreu. Hún var þekkt k-poppstjarna í Kóreu og Japan. Í kjölfar andláts hennar hefur mikil umræða farið af stað í Suður-Kóreu um hvernig tónlistariðnaður landsins og netmenningin geta brotið allra sterkustu einstaklingana niður. Ekki löngu áður en Goo Hara lést tók önnur þekkt söngkona, k-poppstjarna, eigið líf í Suður-Kóreu. Hún hét Sulli og var góð vinkona Goo Hara.

Lögreglan er enn að rannsaka andlát Goo Hara og hefur ekki „útilokað að um sjálfsvíg“ hafi verið að ræða segir Yonhap fréttastofan. Í maí fannst hún meðvitundarlaus eftir að hafa reynt að taka eigið líf.

Á samfélagsmiðlum ræðir fólk nú þau mörgu vandamál sem fylgja k-poppiðnaðinum og eru einnig almennt til staðar í kóresku samfélagi.

„Við getum ekki misst eina konu til viðbótar.“

Skrifaði fjölmiðillinn Womennews á Facebook og birti grein um söngkonurnar tvær sem neituðu að „vera fallegar dúkkur“.

Fyrir þá sem ekki vita þá er k-popp suður-kóresk popptónlist þar sem undurfagurt fólk dansar, syngur og hegðar sér fullkomlega. Ef einhver þeirra fer ekki eftir þessari formúlu fellur það yfirleitt ekki vel í kramið hjá sumum aðdáendum.

„Ferill hennar er á niðurleið. Guð veit á hversu mörgum myndböndum hún sést með öðrum mönnum.“

Skrifaði einn aðdáandi þegar skýrt var frá því að Goo Hara stæði í lögfræðilegum deilum við fyrrum unnusta sinn sem hafði hótað að birta kynlífsmyndband af henni til að eyðileggja feril hennar.

„Bæði Goo Hara og Sulli voru einstakar að því leyti að þær stóðu af sér kynlífshneyksli. Hér í Kóreu er erfitt fyrir átrúnaðargoð að halda stöðu sinni eftir að skýrt er frá ástarsambandi þeirra. Sumar leyna því að þær eigi kærasta. Það má ekkert fréttast um einkalíf þeirra.“

Segir femínistinn og Instagram-listamaðurinn Yurido.

Myndavélar út um allt

Almennt er mikill vandi í Suður-Kóreu hvað varðar kynferðislegt myndefni á netinu. Í landinu er sannkallaður „njósnamyndavélafaraldur“ því búið er að koma örsmáum myndavélum fyrir víða þar sem líklegt er að konur afklæðist og þetta hefur alvarleg áhrif á andlega líðan þeirra.

BBC nefndi nýlega dæmi um slíkt.

„Mér finnst eins og hann horfi enn á mig.“

Sagði ung kona, Eun-ju Lee, við föður sinn þegar hún ræddi við hann í síma klukkan eitt að nóttu en þá var hún nývöknuð af martröð. Nokkrum dögum síðar tók hún eigið líf. Myndir höfðu verið teknar af henni í skiptiklefa á sjúkrahúsi. Sá sem það gerði starfaði sem læknir á sjúkrahúsinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 3 dögum

Birti þessa mynd af jólagjöfinni og missti vinnuna í kjölfarið

Birti þessa mynd af jólagjöfinni og missti vinnuna í kjölfarið
Pressan
Fyrir 3 dögum

Íranskur leyniþjónustumaður handtekinn við heimili Norðmanns

Íranskur leyniþjónustumaður handtekinn við heimili Norðmanns
Pressan
Fyrir 4 dögum

Skemmt vegabréf kostaði þau 1,2 milljónir

Skemmt vegabréf kostaði þau 1,2 milljónir
Pressan
Fyrir 4 dögum

Sakfelld fyrir kynferðisofbeldi gegn 17 ára nemanda sínum – Hann líktist manninum mínum svo mikið

Sakfelld fyrir kynferðisofbeldi gegn 17 ára nemanda sínum – Hann líktist manninum mínum svo mikið