Kristeligt Dagblad skýrir frá þessu. Blaðið segir einnig að á sama tíma hafi klamydíutifellum fjölgað nokkuð eða úr 30.881 árið 2014 í 33.415 á síðasta ári. Heilbrigðisyfirvöld telja að 500 konur verði ófrjóar árlega af völdum sjúkdómsins.
Haft er eftir Susan Cowan, hjá dönsku smitsjúkdómastofnuninni, að svo virðist sem lekandatilfellum fari sérstaklega fjölgandi hjá gagnkynhneigðum konum og körlum. Einnig sé aukning á fjölda smittilfella hjá körlum sem stunda kynlíf með körlum. Hún sagði einnig að í sögulegu samhengi væru tilfellin ekki mörg og vísaði þar til gagna smitsjúkdómastofnunarinnar.
Þau sýna að tilfellin voru miklu fleiri á stríðsárunum og í lok sjötta áratugarins og byrjun þess sjöunda en þá breyttust viðhorf Dana til kynlífs mikið og frjálsar ástir þóttu hið besta mál.