Þessu svöruðu 4.200 Bandaríkjamenn nýlega í könnun sem var gerð af Jetcost. Niðurstaðan var að Bretar eru mest pirrandi ferðamennirnir.
Þátttakendur voru einnig spurðir út í hvað það væri við ferðamenn sem fer mest í taugarnar á fólki. Meðal svaranna, sem fengust, var að of mikið fari fyrir þeim, þeir þóttu einnig sparsamir á þjórfé og einnig voru áfengisneysla þeirra og óviðeigandi hegðun nefnd til sögunnar segir í umfjöllun New York Post.
Á eftir Bretum komu Þjóðverjar og því næst Brasilíumenn. Bestu ferðamennirnir að mati Bandaríkjamanna koma frá Japan, Kanada og Kína.
Þátttakendurnir voru einnig spurðir hvaða þjóðerni þeim þyki mest pirrandi þegar þeir eru sjálfir í fríi. Þar tóku Bandaríkjamenn fyrsta sætið á afgerandi hátt. Þrír af hverjum fjórum sögðu að þeim finnist Bandaríkjamenn mest pirrandi af öllum þegar þeir eru í fríi erlendis. Helmingur þátttakenda sagðist meðvitað fara til staða þar sem ekki er svo mikið af bandarískum ferðamönnum.