Að minnsta kosti ekki á YouTube. Frá því í byrjun mánaðarins hefur auglýsing frá versluninni Harfod Hardware í bænum Rhayader í Wales vakið mikla athygli á YouTube en þetta er lítil verslun sem hefur verið í eigu sömu fjölskyldunnar í þrjá ættliði.
Auglýsingin hefur glatt fjölda manns en áhorf á hana eru komin yfir tvær milljónir. Í aðalhlutverki er Arthur Jones, tveggja ára, sem verður hugsanlega fjórði ættliðurinn til að reka verslunina. Barnsleg gleði einkennir myndbandið og eflaust er það það sem svo mörgum áhorfendum fellur svo vel.
Tom Jones, faðir Arthur, segir að sonurinn hafi staðið sig frábærlega við gerð myndbandsins sem hafi nú aðallega verið gert til gamans enda hafi framleiðsla þess ekki kostað nema sem svarar til um 15.000 íslenskra króna. En þrátt fyrir ódýra framleiðslu hefur það slegið í gegn og jafnvel skákað jólaauglýsingum stórfyrirtækja.
Hér ætlum við ekki að ljóstra meiru upp um myndbandið en hvetjum fólk bara til að gefa sér smástund til að horfa á það.