Á föstudag gekk Usman Khan, 28 ára gamall maður með pakistanskan uppruna, berserksgang á London Bridge með hnífi og særði fimm manns. Þar af eru tvö látin. Annað þeirra er hinn 25 ára gamli Jack Merritt. Hann útskrifaðist frá Cambridge háskóla og starfaði að endurhæfingu fanga og menntun þeirra. Kona sem ekki hefur verið nafngreind lét einnig lífið en hún var líka útskrifuð frá Cambridge.

Gagnrýnt hefur verið að Khan hafi gengið laus en hann hafði ekki afplánað dóm sem hann hlaut fyrir níu árum. Tók hann þátt í að undirbúa sprengjuárás á kauphöllina í London en það tókst að afstýra því hryðjuverki. Khan var á reynslulausn en hann var staddur í London til að taka þátt í ráðstefnu um endurhæfingu fanga.

Boris Johnson, forsætisráðherra Englands, hefur í kjölfar hryðjuverkaárásarinnar gagnrýnt að hryðjuverkamenn fái reynslulausn. Hefur hann hvatt til lagabreytinga sem tryggja að hryðjuverkamenn sitji af sér allan afplánunartímann. Johnson segist telja að 74 hryðjuverkamenn á reynslulausn gangi lausir á götum Englands. Sjá Metro.