BBC skýrir frá þessu. Fram kemur að að undanförnu hafi myndir af Ricardas, sem er frá Litáen, birst á Facebook. Það hefur vakið undrun lögreglumanna.
Adam Gallop, talsmaður lögreglunnar, sagði í samtali við BBC að á sínum tíma hafi lögreglan haft upplýsingar um að glæpur hafi verið framinn en hafi ekki tekist að afla nægra sönnunargagna til að kæra neinn.
„Síðustu fjögur ár hefur hvarf Ricardas verði algjör ráðgáta. Við höfum ekki enn fundið lík hans en við höfum heldur ekki sannanir fyrir að hann sé á lífi. Hvort sem hann er á lífi eða ekki þá veit einhver hvað kom fyrir hann. Ég bið ykkur, gerið það rétta og gefið ykkur fram.“
Sagði Gallop.
Ricardas sást síðast þann 26. september 2015.