Maðurinn sem um ræðir er fæddur í San Diego og heitir Jehad Serwan Mostafa. Mostafa þessi er talinn vera hátt settur innan sómölsku hryðjuverkasamtakanna al-Shabab. Mostafa er 37 ára og er hann grunaður um hafa átt þátt í sprengjutilræðum samtakanna og árásum á hersveitir Afríkusambandsins.
Í frétt ABC News kemur fram að þátttaka Mostafa í starfsemi al-Shabab hafi, beint eða óbeint, leitt til hundruða dauðsfalla saklausra borgara í Afríku. Talið er að hann haldi sig í Sómalíu en einnig er talinn möguleiki á að hann hafi ferðast til Jemen, Eþíópíu og Kenía síðustu misseri.
Talið er að hann hafi gengið í raðir al-Shabab árið 2006 og á síðustu árum hafi hann gegnt mörgum stöðum hjá samtökunum, allt frá því að vera leiðbeinandi í æfingabúðum samtakanna til yfirmanns erlendra vígamanna samtakanna.