Margir kannast eflaust við bækur Nesbø og þá sérstaklega bækurnar um lögreglumanninn Harry Hole. Það eru einmitt bækurnar um Hole sem rokseljast og valda þessu mikla peningastreymi inn á reikning Nesbø.
Dagens Næringsliv skýrir frá þessu. Fram kemur að það hafi verið endursögn á Macbeth eftir Shakespear sem stendur á bak við stóran hluta af innkomu síðasta árs en Nesbø gaf ekki út nýja bók um Harry Hole á síðasta ári.
Macbeth hefur fengið mikið lof gagnrýnenda og var prentuð í 110.000 eintökum í upphafi. Til samanburðar má nefna að fyrsta prentun af síðustu bókinni um Harry Hole var í 200.000 eintökum.
Nesbø er kannski svolítið óvenjulegur rithöfundur því hann var áður knattspyrnumaður, verðbréfamiðlari og poppstjarna. En hann hefur svo sannarlega fundið sig sem rithöfundur en bækur hans hafa selst í rúmlega 40 milljónum eintaka og hafa verið þýddar á rúmlega 50 tungumál.