fbpx
Þriðjudagur 02.júní 2020
Pressan

Ert þú að þvo íþróttafötin þín of oft?

Kristján Kristjánsson
Fimmtudaginn 7. nóvember 2019 16:30

Hversu oft þværð þú íþróttafötin þín? Mynd:Lindsey McIver

Ekki missa af Helstu tíðindum dagsins í pósthólfið þitt

Lesa nánar

Þværð þú íþróttafötin þín eftir hverja æfingu? Eða ert þú manngerðin sem kemur því ekki í verk að setja í þvottavélina og verður að ná í svitalyktandi fötin í þvottakörfuna áður en farið er á næstu æfingu? En hvort sem við á, þá er stóra spurningin eiginlega hversu oft á að þvo íþróttafötin?

Þessu var nýlega svarað í Women‘s Health. Þegar þetta mál er rætt þarf að byrja á að ræða bakteríur. Það er auðvitað ekkert sérstaklega spennandi umræðuefni en samt sem áður mikilvægt í þessu samhengi. Það er ekki sviti sem lætur íþróttafötin lykta misvel, það eru bakteríur sem sjá um það. Þær elska rök og sveitt föt því þar eru kjöraðstæður fyrir þær til að fjölga sér.

Öll erum við með bakteríur á líkamanum og kippum okkur flest ekki upp við það. En ef þú skellir þér í íþróttaföt sem hafa legið í blautri hrúgu áttu á hættu að húðin bregðist við og þú finnir til óþæginda. Af þessum sökum er best að þvo fötin í heitu vatni til að drepa bakteríurnar. En það er allt annað en skemmtilegt að standa í eilífum þvottum og því er spurningin hversu oft á að þvo íþróttafötin?

Ef þau eru ekki gegnblaut af svita er nóg að hengja þau til þerris þegar heim er komið og þá um leið og þú kemur heim. Ef þú getur hengt þau út í sólskin þá drepa útfjólubláir geislar sólarinnar flestar bakteríurnar og þar með lyktina.

Það er líka hægt að sleppa því að þvo fötin og úða vodka á þau. Þegar vodkinn er gufaður upp er hin hræðilega svitalykt einnig horfin. Þetta er auðvitað gott og einfalt ráð en svo er spurningin hvort fólk tími að nota rándýran vodka í þetta?

Konur eiga alltaf að þvo brjóstahaldara sína eftir æfingar því annars eiga þær á hættu að fá svepp undir brjóstin.

Ef þú notar föt úr bómul og ull er hægt að láta langan tíma líða á milli þvotta því bakteríur þrífast ekki svo vel í þessum efnum.

En kannski er bara best að þreifa sig áfram og sjá hversu lengi þú getur beðið með að þvo íþróttafötin. Ef þau byrja skyndilega að lykta undarlega er líklega kominn tími til að setja í eins og eina vél.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Ljúga yfirvöld í Mexíkó til um fjölda látinna af völdum COVID-19?

Ljúga yfirvöld í Mexíkó til um fjölda látinna af völdum COVID-19?
Pressan
Fyrir 2 dögum

Loka stærsta flugvelli Berlínar tímabundið – Opnar jafnvel aldrei aftur

Loka stærsta flugvelli Berlínar tímabundið – Opnar jafnvel aldrei aftur
Pressan
Fyrir 4 dögum

Matt Damon fastur á Írlandi í heimsfaraldrinum – Bæjarbúar hjálpuðu honum að forðast fjölmiðla

Matt Damon fastur á Írlandi í heimsfaraldrinum – Bæjarbúar hjálpuðu honum að forðast fjölmiðla
Pressan
Fyrir 4 dögum

Níddur og laminn og segist ekki eiga athyglina skilið

Níddur og laminn og segist ekki eiga athyglina skilið
Pressan
Fyrir 5 dögum

Kórónuveiran „hverfur“ svo hratt að erfitt er að prófa bóluefni

Kórónuveiran „hverfur“ svo hratt að erfitt er að prófa bóluefni
Pressan
Fyrir 5 dögum

Fóru aðeins fram úr sér í ákafanum við að hefja áætlunarflug á nýjan leik

Fóru aðeins fram úr sér í ákafanum við að hefja áætlunarflug á nýjan leik