Miðvikudagur 22.janúar 2020
Pressan

Sérfræðingur segir fólki að forðast að kaupa kínverska snjallsíma

Kristján Kristjánsson
Þriðjudaginn 5. nóvember 2019 18:00

Farsími frá Huawei.

Ekki missa af Helstu tíðindum dagsins í pósthólfið þitt

Lesa nánar

Margir eiga kínverska snjallsíma en Samantha Hoffman, sérfræðingur í kínverskum öryggismálum hjá áströlsku hugveitunni Australian Strategic Policy Institute, segir að fólk ætti að hugsa sig vel um áður en það fær sér kínverska snjallsíma eða öpp sem eru framleidd í Kína.

Ástæðan er að samkvæmt kínverskum lögum geta þarlend yfirvöld krafið fyrirtæki um gögn um notendur varnings og forrita. The Guardian spurði Hoffman hvort neytendur eigi að vera varkárir þegar kemur að því að kaupa kínverka snjallsíma eða aðrar tæknivörur frá Kína.

„Ég myndi fara varlega. Þú hugsar kannski: „Kínverski kommúnistaflokkurinn fer ekki að rannsaka mig og ég þarf ekki að bera vitni fyrir bandaríska þinginu svo ég þarf ekki að hafa áhyggjur.“ En þú veist ekki hvernig gögnum þínum er safnað og þau hugsanlega notuð til að móta skoðanir þínar og hafa áhrif á ákvarðanir þínar, meðal annars.“

Sagði hún og bætti við að möguleikar fyrirtækjanna til að skilja hvað neytendurnir vilja  geti hvatt til áróðursstarfsemi.

„Í heildina getur þetta verið notað til að hafa áhrif á kosningar eða tilfinningar um ákveðið efni.“

Sagði hún einnig og bætti við að hún telji að Vesturlönd eigi að forðast að nota kínverskar vörur og hugbúnað við uppbyggingu innviða því kínversk stjórnvöld hafi á endanum stjórn yfir öllum kínverskum fyrirtækjum á grundvelli öryggislöggjafar landsins.

„Það getur vel verið að þér finnist í lagi að einhver safni gögnum um þig sem eiga að sníða auglýsingar sérstaklega að þér. En finnst þér í lagi að deila upplýsingum um þig með stjórnvöldum sem hafa fangelsað 1,5 milljón Úígúra (múslimskur minnihluti í vesturhluta Kína, innskot blaðamanns) vegna uppruna þeirra?“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 23 klukkutímum

Gleymdu 37 gráðunum – Eðlilegur líkamshiti er lægri

Gleymdu 37 gráðunum – Eðlilegur líkamshiti er lægri
Pressan
Í gær

Hafa áhyggjur af velferð fyrrverandi NBA-stjörnu eftir óhugnanlegt myndband

Hafa áhyggjur af velferð fyrrverandi NBA-stjörnu eftir óhugnanlegt myndband
Fyrir 2 dögum

Laxveiðin næsta sumar eitt stórt spurningamerki

Laxveiðin næsta sumar eitt stórt spurningamerki
Pressan
Fyrir 2 dögum

Japan staðfestir fyrsta tilfelli dularfullrar veiru frá Kína

Japan staðfestir fyrsta tilfelli dularfullrar veiru frá Kína
Pressan
Fyrir 2 dögum

Hefur feðrað rúmlega 800 afkvæmi – Bjargaði tegundinni frá útrýmingu

Hefur feðrað rúmlega 800 afkvæmi – Bjargaði tegundinni frá útrýmingu
Pressan
Fyrir 2 dögum

Stjarnfræðilega framsæknar hugmyndir

Stjarnfræðilega framsæknar hugmyndir