Maðurinn sem stakk fimm manns með hnífi á London Bridge í gær heitir Usman Khan og er 28 ára gamall. Kona og maður létu lífið í árás mannsins. Khan var dæmdur hryðjuverkamaður á reynslulausn og var undir rafrænu eftirliti lögreglu. Lögregla skaut hann til bana í gær.
Khan var í níu manna hópi sem ráðgerði sprengjuárás á verðbréfahöllina í London (London Stock Exchange) og hann var sakfelldur árið 2012 en sleppt á reynslu fyrir um ári síðan. Khan er upprunalega frá Pakistan. Hann var staddur í London til að taka þátt í ráðstefnu um endurhæfingu fanga.
