Það er mögnuð stund þegar barn, í maga móður, byrjar að sparka og þær finna spörkin. Þetta getur síðan orðið þreytandi, finnst sumum að minnsta kosti, en ef þetta heldur áfram eftir að barnið er komið í heiminn er þetta nú eiginlega orðin undarleg upplifun.

En þetta gerist að sögn stundum. Þetta kemur fram í nýrri rannsókn sem hefur ekki enn verið ritrýnd eða gefin út. New Scientist skýrir frá þessu. Fram kemur að vísindamenn við Monash háskóla hafi spurt 197 konur út í svokölluð „draugaspörk“. 40 þeirra höfðu upplifað slík spörk.

Spörk sem þessi eiga sér að meðaltali stað 6,8 árum eftir fæðinguna. 20 prósent, þeirra sem upplifðu þetta, upplifðu þetta daglega. Ein konan upplifði þetta í 28 ár.

Flestum konum finnst þetta jákvæð upplifun og eiginlega smávegis nostalgía yfir þessu. En það er ekki upplifun kvenna sem hafa upplifað erfiðar og jafnvel óhamingjusamar fæðingar. Hjá þeim geta þessi draugaspörk valdið neikvæðum tilfinningum.