fbpx
Mánudagur 21.september 2020
Pressan

Þarna eru lötustu unglingar í heimi – Sjáðu hvar Ísland er á listanum

Ritstjórn Pressunnar
Föstudaginn 22. nóvember 2019 17:00

Ekki missa af Helstu tíðindum dagsins í pósthólfið þitt

Lesa nánar

Ef hægt er að skilgreina hreyfingarleysi sem leti eru unglingar í Suður-Kóreu þeir lötustu í heimi. Þetta er samkvæmt tölum frá Alþjóðaheilbrigðismálastofnuninni sem tekið hefur saman tölur um hreyfingu ungmenna um heim allan.

Samkvæmt þessum tölum fær aðeins fimmti hver unglingur á aldrinum 11 til 17 þá hreyfingu sem talin er nægjanleg til að stuðla að heilbrigði. Staða mála virðist vera einna verst í Asíu þar sem yfir níutíu prósent unglinga í löndum á borð við Suður-Kóreu (94,2%) Filippseyjum (93,4) og Kambódíu (91,6%) hreyfa sig í minna en klukkustund á dag að jafnaði.

Að sama skapi virðist staðan vera einna best í Bangladess (66,1%), Slóvakíu (71,5%) og Írlandi (71,8%) þar sem mun færri stunda litla hreyfingu. Ísland er í 37. til 38. sæti á listanum – deilir sæti með Belís – en samkvæmt tölum Alþjóðaheilbrigðisstofnunarinnar ná 80,3 prósent íslenskra unglinga ekki einnar klukkustundar hreyfingu á dag að jafnaði. Við erum þó fyrir ofan Svíþjóð, Danmörku og Noreg en nokkuð fyrir neðan Finnland og Grænland.

Það er Mail Online sem fjallar um þessar niðurstöður og þá út frá stöðu Bretlands sem er nokkuð fyrir ofan Ísland á listanum. Bretar eru í 31. sæti og lýsa sérfræðingar þar í landi yfir áhyggjum af stöðu mála. „Ungmenni sem hreyfa sig reglulega eru heilsuhraustari og gengur jafnan betur í námi,“ segir Russell Viner, deildarforseti við Royal College of Paediatrics and Child Health.

Í skýrslu Alþjóðaheilbrigðismálastofnunarinnar kemur fram að mikilvægt sé að hvetja ungmenni til aukinnar hreyfingar, meðal annars til að berjast við offitu og lífstílssjúkdóma. Bent er á að öll ungmenni á aldrinum 11 til 17 ára ættu að fá minnst klukkustundar hreyfingu á hverjum degi, en sannleikurinn sé sá að aðeins tæplega tveir af hverjum tíu ná þeirri hreyfingu.

Samkvæmt skýrslunni hreyfa stúlkur sig minna en strákar. Þetta var raunin í öllum nema fjórum af þeim 146 löndum sem könnunin tók til. Tonga, Samóa, Afghanistan og Sambía voru undantekningin frá þessari reglu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Pressan
Fyrir 20 klukkutímum

Kínverjar segja enga þörf fyrir að bólusetja alla gegn kórónuveirunni á þessu stigi

Kínverjar segja enga þörf fyrir að bólusetja alla gegn kórónuveirunni á þessu stigi
Pressan
Í gær

Baráttan um kórónuveirupeningana

Baráttan um kórónuveirupeningana
Pressan
Í gær

Barbados vill verða lýðveldi og losa sig við Elísabetu II sem þjóðhöfðingja

Barbados vill verða lýðveldi og losa sig við Elísabetu II sem þjóðhöfðingja
Pressan
Fyrir 2 dögum

Dýrt tjáningarfrelsi – Öryggisgæsla Rasmus Paludan hefur kostað 2,7 milljarða

Dýrt tjáningarfrelsi – Öryggisgæsla Rasmus Paludan hefur kostað 2,7 milljarða
Fyrir 3 dögum

Flott veiði síðustu daga í Vatnamótunum

Flott veiði síðustu daga í Vatnamótunum
Pressan
Fyrir 3 dögum

Segir að milljónir Bandaríkjamanna gætu þurft að flytja til Kanada vegna versnandi ástands í Kaliforníu

Segir að milljónir Bandaríkjamanna gætu þurft að flytja til Kanada vegna versnandi ástands í Kaliforníu
Pressan
Fyrir 3 dögum

Fjögur morð í Danmörku og Svíþjóð á nokkrum klukkustundum

Fjögur morð í Danmörku og Svíþjóð á nokkrum klukkustundum
Pressan
Fyrir 3 dögum

Hafa haldið sig frá kosningabaráttu síðustu 175 ár – Blanda sér nú í bandarísku forsetakosningarnar

Hafa haldið sig frá kosningabaráttu síðustu 175 ár – Blanda sér nú í bandarísku forsetakosningarnar