Gates sat í toppsætinu í skamma stund í október þegar Amazon tilkynnti að hagnaður fyrirtækisins á þriðja ársfjórðungi hefði dregist saman um tæplega 28%. En Bezos tók fljótlega framúr á nýjan leik.
Hlutabréf í Microsoft hafa hækkað um tæplega 48% á árinu og það tryggði Gates efsta sætið í síðustu viku.
Auður Bezos er metinn á 108.7 milljarða dollara.
Gates tjáði sig nýlega um auð sinn í tengslum við sérstakan auðlegðarskatt sem sumir þeirra sem sækjast eftir að verða forsetaframbjóðendur demókrata vilja leggja á. Hann sagði þá að hann hafi nú þegar greitt rúmlega 10 milljarða dollara í skatt og það sé í fínu lagi hans vegna þótt hann greiði annað eins til viðbótar. Ef hann þurfi hins vegar að borga 100 milljarða dollara í skatt verði hann að fara að reikna aðeins út hvað hann á mikið eftir.
