Gestur hafði komið í heimsókn til Saleh og var með köku meðferðis í kassa. Danska ríkisútvarpið skýrir frá þessu. Starfsfólk hafði lagt á borð fyrir félagana þegar þeir drógu skammbyssurnar upp úr kökunni og ógnuðu því. Þeir skutu að minnsta kosti einu skoti í gólfið til að leggja áherslu á kröfu sína um að vera hleypt út. Skammbyssa var síðan sett upp að hnakka eins starfsmanns og þeim sagt að ef þeir ýttu á neyðarhnappinn yrði hann skotinn.
Starfsfólkið hleypti tvímenningunum því út.
Saleh sætti hvorki einangrun né heimsóknarbanni og því var ekki haft sérstakt eftirlit með eða leitað á gestinum eða kíkt í kökukassann. Saleh var vistaður á deildinni þar sem hann átti að gangast undir geðrannsókn samkvæmt ákvörðun dómara.