Einstök ljósmynd frá árinu 1877 gæti selst á rúmar 120 milljónir króna ef áætlanir uppboðshaldara í Dallas ganga eftir. Myndin er af engum öðrum en William H. Bonney, sem var best þekktur undir nafninu Billy the Kid.
Billy er einn þekktast útlagi sögunnar en á myndinni má sjá hann spila með nokkrum félögum sínum; Richard Brewer, Fred Waite og Henry Brown sem allir tilheyrðu sama genginu. Þetta er aðeins önnur af tveimur myndum sem er til af þessum fræga glæpamanni svo vitað sé.
Billy var 21 árs þegar þessi mynd var tekin en hann var drepinn fjórum árum síðar. Á þessum tíma voru fimmmenningarnir á myndinni eftirlýstir fyrir morð á járnsmiði í Arizona. Og eftir að myndin var tekin er talið að Billy hafi drepið sjö manns til viðbótar, þar á meðal lögreglustjórann í Lincoln-sýslu, William Brady.
Myndin hefur verið í eigu sömu fjölskyldunnar í yfir hundrað ár og aldrei birst áður opinberlega. Myndin verður seld hæstbjóðanda í Sofe Design-uppboðshúsinu í Dallas en eins og fyrr greinir er talið að um ein milljón dollara, 123 milljónir króna, fáist fyrir myndina.