Samtök bandarískra flugliða, Associatin of Professional Flight Attendats, krefjast upplýsinga um hvað grandaði flugvélunum tveimur og af hverju það þyki nú öruggt að fljúga í vélum þessarar tegundar. Þetta kom fram í síðust viku þegar Lori Bassani, formaður samtakanna, ræddi við Time. Hún sagðist ræða við flugliða daglega sem grátbiðja hana um að koma í veg fyrir að þeir þurfi að fljúga aftur með vélum þessarar tegundar.
„Við viljum vita að það sé algjörlega öruggt að fljúga með vélunum.“
Sagði hún.
Það er mikilvægt að endurvinna traust flugliða og flugmanna á vélunum og það gera stjórnendur Boeing sér ljóst. Fyrirtækið er að skipuleggja fjölda reynslufluga með stjórnarmenn fyrirtækisins, starfsmenn og fréttamenn áður en vélarnar verða teknar aftur í notkun. Talsmaður fyrirtækisins segir að ekki verði byrjað að nota vélarnar fyrr en búið verður að fara í reynsluflug á þeim með flugmenn, flugliða, fjölmiðlamenn og fleiri.