Það var NICER mælitækið um borð í alþjóðlegu geimstöðinni sem nam þennan einstaka atburð, sem nefnist „Type 1 X-ray burst“ en um gríðarlega öflugan ljósglampa og röntgengeisla var að ræða.
Skýrt var frá þessari uppgötvun nýlega í Astrophysical Journal Letters. Sprengingunni má helst líkja við gríðarlega öfluga vetnissprengingu. Hún kom frá dauðri stjörnu, nifteindastjörnu, og orsakaði gríðarlega mikla geislun. Á aðeins 20 sekúndum losnaði meiri orka en sólin sendir frá sér á 10 dögum.
NICER hefur aldrei áður uppgötvað svo öfluga sprengingu af þessu tagi. En sem betur fer var hún í svo mikilli fjarlægð frá jörðinni að hún hafði engin áhrif hér.
Sprengingin átti sér stað á yfirborði tifstjörnunnar J1808, sem er tegund nifteindastjörnu sem eru leifar af sprengistjörnu. Nifteindastjörnur eru mjög litlar en gríðarlega þungar og þéttar. J1808 er 10-20 km í þvermál en vegur um tvisvar sinnum meira en sólin.
