Fyrir fjórum árum var fjárhagsstaða Stacey Dennis og fjölskyldu hennar ansi bágborinn. Hjónin höfðu bæði misst vinnuna, hún vegna niðurskurðar en hann vegna heilsufars síns. Þau sáu varla fram á að geta keypt mat handa dóttur sinni, Layla. Í örvæntingu sinni settist Stacey niður og teiknaði krúsidúllur á Valentínusardagskort.

Þetta var upphafði að því sem nú er milljónarekstur þeirra hjóna sem eru með tvo starfsmenn núna. Fyrirtæki þeirra heitir Love Layla eftir dóttur þeirra. Ársveltan er um 1,5 milljónir punda svo það er góður gangur í rekstrinum.

„Fyrsta kortið var með svolítið djarfan texta: Gleðilegan Valentínusardag – Viltu koma í trekant?“ Þetta var greinilega eitthvað sem fólki líkaði við því þetta seldist vel.“

Sagði hún í samtali við Metro.

Hún byrjaði að selja kortin á eBay og Etsy en fljótlega varð þetta svo umfangsmikið að hún sett eigin heimasíðu á laggirnar sem hún selur vörur sínar í gegnum.

Stacey starfaði áður sem grafískur hönnuður svo hún var ekki ókunnug því að teikna og hanna eitt og annað og það kom sér svo sannarlega vel.