Í tilkynningu frá Clark County Sheriff‘s Department segir að mennirnir, Terry David Bateman 45 ára og Bradley Allen Rowland 40 ára, hafi verið handteknir á föstudaginn vegna rannsóknar málsins.
Vísindamiðstöð háskólans var lokað 8. október eftir að kvartað var undan skrýtinni lykt. Hún var opnuð aftur 29. október eftir að búið var að gera við lofthreinsibúnað og annað. Prófessorarnir voru báði sendir í leyfi 11. október. Talsmaður háskólans vildi ekki staðfesta hvort prófessorarnir séu grunaðir um að hafa framleitt metamfetamín í húsakynnum háskólans segir CNN.
Málið minnir að vissu leyti á söguþráðinn í þáttaröðinni Breaking Bad þar sem Bryan Cranston lék efnafræðikennara sem hóf að framleiða metamfetamín til að tryggja fjárhag fjölskyldu sinnar eftir að hann greindist með lungnakrabbamein.