Washington Post skýrir frá þessu. Fram kemur að konan, sem var með honum, hafi ekki verið konan hans heldur hafi hún verið gift öðrum manni. Í Ache-héraði hefur ströngum sharíalögum verið framfylgt síðan 2005. Þar á meðal er fólki refsað með hýðingum á almannafæri ef það er staðið að framhjáhaldi.
Mukhlis bin Muhammad er ekki aðeins trúarleiðtogi því hann situr einnig í Aceh Ulema-ráðinu sem er ráðgefandi fyrir yfirvöld í héraðinu um hvernig á að taka á ýmsum málum sem eru ólögleg samkvæmt sharíalögum. Þar á meðal eru sambönd samkynhneigðra, áfengisneysla, fjárhættuspil og framhjáhald. Þannig eru lög guðs og alla seka á að hýða og það jafnvel þótt þeir sitji í fyrrnefndu ráði sagði Husaini Wahab, varaborgarstjóri, í samtali við BBC.
Af þeim sökum var Mukhlis bin Muhammad hýddur á almannafæri þann 31. október síðastliðinn. Hann fékk 28 högg en konan fékk 23. Auk þessarar refsingar hefur Muhammad nú verið rekinn úr fyrrnefndu ráði.