Vísindamennirnir hafa sérstakar áhyggjur af fjölgun mannkyns, aukinni kjötneyslu, eyðingu skóglendis og að sífellt fleiri ferðist flugleiðis. Þeir taka þó fram að góðu fréttirnir séu að fæðingartíðni fari nú lækkandi víða um heim, dregið hafi úr skógarhöggi og sífellt fleiri snúi sér að umhverfisvænum orkugjöfum.
En þróunin er of hæg og dugir engan veginn til að bjarga jörðinni. Vísindamennirnir benda því á sex mikilvæg skref, sem öll tengjast, sem „ríkisstjórnir, fyrirtæki og mannkynið allt geta tekið til að afstýra verstu áhrifum loftslagsbreytinganna“.
Það verður að setja meiri kraft og hraða í skiptunum úr notkun jarðefnaeldsneytis yfir í umhverfisvænt eldsneyti. Það þarf að bæta orkunýtingu, það jarðefnaeldsneyti sem eftir er í jörðu verður að vera þar áfram og það þarf að stefna á neikvæða CO2 losun með því að nota tækni sem sýgur CO2 úr andrúmsloftinu. Þá þarf einnig að hætta fjárstuðningi við olíu-, gas- og kolaiðnaðinn. Ríkar þjóðir þurfa einnig að hjálpa þeim fátækari við að skipta yfir í umhverfisvæna orkugjafa.
Draga þarf úr losun á skammlífum mengunarvöldum en þar nefna vísindamennirnir til dæmis metan og sót til sögunnar. Ef það er gert er hugsanlega hægt að draga úr hnattrænni hlýnun um helming á næstu áratugum og hægt verður að bjarga milljónum mannslífa vegna minni loftmengunar.
Það þarf að stöðva það mikla tap líffræðilegs fjölbreytileika sem nú stendur yfir. Það þarf að vernda vistkerfin og enduruppbyggja þau. Það þarf að vernda skóga og hefja umfangsmiklar stækkanir á skóglendi.
Við þurfum að færa okkur meira yfir í að borða grænmeti og ávexti og draga úr kjötneyslu. Með því er hægt að draga úr losun gróðurhúsalofttegunda, þar á meðal metani, umtalsvert. Einnig þarf að draga úr matarsóun.
Það er þörf á hagkerfum sem eru ekki drifin áfram af hagvexti á kostnað vistkerfanna. Þess í stað þarf að einblína á sjálfbærni og við þurfum efnahag sem byggist ekki á losun CO2.
Það þarf að ná jafnvægi í mannfjölda á jörðinni og helst þarf fækka jarðarbúum með tímanum. Af þessum ástæðum eiga allir að hafa aðgang að getnaðarvörnum og þarf að tryggja jafnt aðgengi kynjanna að þeim sem og jafnan aðgang þeirr að menntun.