BZ er meðal þeirra þýsku fjölmiðla sem skýrir frá þessu. Fram kemur að sérstaklega að kvöld- og næturlagi sé garðurinn ekki öruggt svæði til að vera í og því forðast heiðvirðir borgarar að leggja leið sína þangað.
Nýlega ákvað hópur, tengdur bandarísk-franska listamanninum Scott Holmquist, að reisa styttu í garðinum til að sýna samstöðu með fíkniefnasölunum. Stytta fékk nafnið „Der letzte held“. Hún var þriggja metra há og fékk að standa í sólarhring í miðjum garðinum. Styttan sýndi manneskju, greinilega af afrískum uppruna, í jakka og með farsíma í hönd. Á styttunni var einnig tafla þar sem búið var að skrifa innihaldslýsingu fíkniefna.
Ein aðalhugmyndin að baki styttunni var að hún væri einhverskonar svar við nýlegum mótmælum Pegida, sem er stjórnmálahreyfing sem er andsnúin innflytjendum, í garðinum. Þau mótmæli fóru fram undir yfirskriftinni „Þar sem réttarríkið bregst geta fíkniefnasalar starfað óáreittir“.