Því næst fann hann höfuðkúpu og fleiri leifar af manni.
„Þegar ég fann höfuðkúpuna hugsaði ég með mér að þetta hlyti að vera Torgersen. Byssan passaði einnig við þá sem hann átti að hafa tekið með sér.“
Sagði Norli í samtali við TV2. Hér á hann við Arne Odd Torgersen sem hvarf sporlaust frá heimili sínu í Holum, sem er norðan við Mandal, árið 1955. Allar götur síðan hefur hvarf hans þótt mjög dularfullt.
Norli hafði samband við lögregluna sem hóf rannsókn á málinu og staðfesti eftir rannsóknir réttarmeinafræðinga að um líkamsleifar Torgersen væri að ræða. Hægt var að staðfesta það með því að bera tennurnar í höfuðkúpunni saman við fyrirliggjandi upplýsingar um tennur Torgersen. Stígvélin, sem Norli fann einnig, pössuðu einnig við þær upplýsingar sem lögreglan hafði um mál Torgersen.
En mörgum spurningum er enn ósvarað í málinu. Lögreglan telur að Torgersen hafi verið myrtur en hefur ekki á miklu að byggja og hefur hvatt þá sem búa yfir upplýsingum um málið til að gefa sig fram.