Það er vinsælt að fara í heilsulindir og lúxusdvalir á spastöðum enda fylgir því mikil vellíðan að fara í slíkt. En þetta er dýrt og ekki á allra færi. Nú er komið nýtt tæki á markaðinn fyrir karla sem eiga allt og finnst gott að fara í spa, eistnabaðkarið Testicuzzi.

Þetta er einfaldlega lítil nuddpottur eða eitthvað álíka fyrir eistun. Þetta er það nýjast í heimi fáránlegra og algjörlega óþarfra uppfinninga. Það er frumkvöðullinn Pride Smith sem á heiðurinn af þessu.

Karlarnir láta punginn síga ofan í þennan litla nuddpott sem býr til litlar og þægilegar loftbólur sem leika við punginn að því er segir í kynningu á tækinu. Á meðan er limurinn látinn hvíla á púða.

Testicuzzi segir að þetta sé frábært tæki fyrir einhleypa karlmenn sem fara tómhentir heim af lífinu með þunga byrði á milli fótanna sem og fyrir karla sem hjóla mikið eða stunda útreiðar.