Miðvikudagur 20.nóvember 2019
Pressan

Mokar barnaníðingur inn seðlum á Jóker-myndinni?

Ritstjórn Pressunnar
Þriðjudaginn 8. október 2019 12:07

Ekki missa af Helstu tíðindum dagsins í pósthólfið þitt

Lesa nánar

Eitt þekktasta lag Gary Glitter, fyrrverandi rokkstjörnu og dæmds barnaníðings, er að finna í bíómyndinni um Jókerinn sem var frumsýnd um liðna helgi. Þetta hefur vakið athygli fjölmiðla erlendis, en lagið sem um ræðir heitir Rock & Roll Part 2 og kom út árið 1972.

Glitter var fyrst dæmdur í fangelsi árið 1999 fyrir vörslu barnakláms. Hann var svo dæmdur í þriggja ára fangelsi í Víetnam árið 2006 fyrir kynferðisglæpi gegn barnungum stúlkum og árið 2015 var hann dæmdur í sextán ára fangelsi í Bretlandi fyrir kynferðisbrot sem hann framdi á áttunda og níunda áratug síðustu aldar.

Breskir fjölmiðlar hafa fjallað nokkuð um þá staðreynd að lag eftir Glitter sé að finna í myndinni.

Breska blaðið The Sun greindi frá því að Glitter gæti fengið „nokkur hundruð þúsund pund“ fyrir lagið. Sérfræðingur sem breska blaðið Guardian ræddi við sagði þó að upphæðin væri að líkindum lægri. Þannig fái útgáfufyrirtæki sinn hlut og líklegt væri að Glitter myndi halda sjálfur eftir 30 prósentum af ágóðanum. Óvíst er þó hversu há sú upphæð er en líklega hleypur hún þó á þúsundum punda.

Þá bendir sérfræðingur sem Yahoo Movies ræddi við á að venjan sé sú að yfirleitt sé samið um eina greiðslu þegar lög eru notuð í kvikmyndum. Hversu há sú upphæð er fer eftir ýmsu, til dæmis hversu lengi lögin hljóma. „Þetta getur verið frá 500 pundum og upp í 250 til 500 þúsund pund. Það fer allt eftir listamanninum og mikilvægi tónlistarinnar fyrir myndina. Það eru margir milliliðir sem koma að svona samkomulagi; umboðsmenn og útgáfufyrirtæki til dæmis.“

Gary Glitter er 75 ára og afplánar hann dóm sinn nú í Bretlandi. Á ferli sínum seldi hann yfir 20 milljónir platna og kom 26 lögum á breska vinsældarlistann, þar af 12 sem komust á top 10 og 3 sem komust í efsta sæti listans.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Svíar fella niður nauðgunarmál gegn Assange

Svíar fella niður nauðgunarmál gegn Assange
Pressan
Í gær

Viðsnúningur hjá grænlenskum stjórnmálaflokki – Vill ekki lengur sjálfstætt Grænland

Viðsnúningur hjá grænlenskum stjórnmálaflokki – Vill ekki lengur sjálfstætt Grænland
Pressan
Í gær

Óhugnanlegt nauðgunarmál vekur óhug Dana – Kennari nauðgaði 13 ára nemanda sínum ítrekað og hótaði að myrða fjölskyldu hennar

Óhugnanlegt nauðgunarmál vekur óhug Dana – Kennari nauðgaði 13 ára nemanda sínum ítrekað og hótaði að myrða fjölskyldu hennar
Pressan
Í gær

Tveir efnafræðiprófessorar grunaðir um fíkniefnaframleiðslu

Tveir efnafræðiprófessorar grunaðir um fíkniefnaframleiðslu
Pressan
Fyrir 2 dögum

Þessi einfalda aðgerð hefði komið í veg fyrir dauða Díönu prinsessu

Þessi einfalda aðgerð hefði komið í veg fyrir dauða Díönu prinsessu
Pressan
Fyrir 2 dögum

Var staurblönk – Krúsidúllur gerðu hana að milljónamæringi

Var staurblönk – Krúsidúllur gerðu hana að milljónamæringi
Pressan
Fyrir 4 dögum

Aðalleikkona í hryllingsmynd grunuð um morð

Aðalleikkona í hryllingsmynd grunuð um morð
Pressan
Fyrir 4 dögum

„Tortímandinn“ dæmdur í 30 ára fangelsi – Fjöldamorð og kynlífsþrælkun

„Tortímandinn“ dæmdur í 30 ára fangelsi – Fjöldamorð og kynlífsþrælkun