Hvernig fær maður börnin til að sofna á skikkanlegum tíma á kvöldin? Þetta er eitthvað sem flestir foreldrar hafa eflaust einhvern tímann velt fyrir sér.  Hin bandaríska Jessica D‘Entremont varð nýlega að leita nýrra leiða til að fá dætur sína til að sofna þegar þær voru sérstaklega orkumiklar og fjörugar að kvöldi. En lausnin var einföld og hefur heldur betur slegið í gegn í netheimum.

Dæturnar, Emma 4 ára og Hannelore 3 ára, voru sérstaklega orkumiklar eftir að fjölskyldan kom heim og gátu ekki verið kyrrar í eitt augnablik. Hún vissi því að það myndi kalla á grát og mikla erfiðleika að koma þeim í háttinn. Þetta sagði hún í samtali við Today.

En síðan datt hún niður á ofureinfalda lausn. Hún bað stúlkurnar um að fara í náttföt sem lýsa í myrkri, álíka og stjörnur sem mörg börn hafa hangandi í herbergjum sínum. Því næst bað hún þær um að leggjast á gólfið og liggja þar alveg kyrrar til að náttfötin gætu „hlaðið“ sig.

Þetta virkaði vel og ró komst á og dæturnar gátu síðan sofnað.

https://www.facebook.com/jessica.taylor.507/posts/10104122224371272:0