Venjulegt fólk á stundum erfitt með að skilja nýjustu strauma og stefnur í tískuheiminum. Það á einmitt við um nýtt pils frá fataframleiðandanum PrettyLittleThing. Fyrirtækið kynnti nýlega nýtt pils til sögunnar og hefur það svo sannarlega fengið harða gagnrýni.

Fólk hefur bæði gagnrýnt snið þess sem og efnið sem er notað í það. Þetta sést á Instagramsíðu fyrirtækisins þar sem pilsið hefur vakið mikla athygli fólks.

Pilsið er úr gljáandi efni, með sjálflýsandi böndum í hliðunum og margir hafa sett spurningamerki við notagildi pilsins.

„Þetta er úr rifnum ruslapoka.“

Skrifar einn við mynd af pilsinu.

Aðrir benda á að ekki sé hægt að vera í nærbuxum þegar pilsið er notað:

„En það er ekki hægt að vera í nærbuxum.“

Skrifaði einn notandi við mynd af pilsinu og aðrir benda á að fólk muni örugglega svitna gríðarlega ef það notar pilsið.