Í herberginu voru 24 rörasprengjur, 23 hnífar, fjöldi skammbyssa, riffla og bóka um fjöldamorð, hryðjuverk og sprengjugerð.
Samkvæmt frétt ABC News höfðu foreldrarnir samband við lögregluna. Á fréttamannafundi sagði Chad Chrionister, lögreglustjóri í Flórída, að ef sprengjurnar hefðu verið notaðar hefði það getað kostað fjölda mannslífa.
Það var einmitt það sem Michelle hafði í hyggju. Hún hafði fyllt sprengjurnar af nöglum og málmkúlum til að þær myndu valda sem mestum skaða.
Michelle var handtekin án mikilla vandkvæða.
Lögreglustjórinn hrósaði foreldrum hennar fyrir að hafa haft samband við lögregluna og sagði það hafa bjargað fjölda mannslífa.