Í skólagarðinum og skólanum var Igor áhugalaus en vildi síðan fara yfir í næsta hús þar sem Ami Hotel er til húsa. Þar var allt fullt af gestum. Igor sýndi einu herbergi sérstakan áhuga og tók sér stöðu fyrir utan gluggann á því. Stjórandi hans kallaði á liðsauka og síðan fóru lögreglumenn inn í hótelherbergið.
Þar var serbneskur karlmaður og tvö rúm. Undir öðru rúminu voru taska og bakpoli. Í þeim voru samtals 66 kíló af amfetamíni. Þetta er mesta magn amfetamíns sem nokkru sinni hefur fundist í Noregi og má segja að algjör tilviljun hafi ráðið því.
Lögreglan hóf viðamikla rannsókn á málinu og leiddi hún í ljós að 17 kíló til viðbótar höfðu verið flutt til Tromsø árið áður. Lögreglan telur að skipulögð glæpasamtök hafi staðið á bak við smyglið. Í þeim eru bæði norskir og þýskir ríkisborgarar.
Réttarhöld í málinu hefjast í nóvember. Serbinn neitar sök og segist ekki hafa vitað af amfetamíninu. Þjóðverji um fertugt er talinn höfuðpaurinn í málinu og játar hann sök. Serbinn segir Þjóðverjann hafa átt amfetamínið.