Lögreglan í Santa Cruz í Kaliforníu rannsakar nú morð á forstjóra tæknifyrirtækis sem var rænt af heimili sínu í skjóli nætur. Maðurinn, Tushat Atre, var fimmtugur og starfaði hann sem forstjóri AtreNet, fyrirtækis sem hann stofnaði.
Lögreglu barst símtal um þrjú leytið, aðfaranótt þriðjudags, þess efnis að verið væri að brjótast inn í umrætt hús sem stendur við ströndina í Santa Cruz. Tushat sást síðast fara inn í bifreið kærustu sinnar umrædda nótt og fannst bifreiðin og lík Tushat morguninn eftir.
Lögregla telur að um rán hafi verið að ræða en rannsókn stendur yfir. Enginn hefur verið handtekinn vegna málsins.
Tushat var vellauðugur og voru stórfyrirtæki eins og Hewlett Packard og Symantec meðal viðskiptavina hans.
