Stúlkan fannst í farangursrými bifreiðarinnar nærri bænum Corréze í suðurhluta Frakklands. Hún var vannærð og þjáðist af vökvaskorti þegar hún fannst. Þá lá hún í eigin saur.
The Local segir að stúlkan hafi einnig verið látin dvelja ein í herbergi á heimili fjölskyldunnar þegar hún var ekki í farangursrýminu.
Málið vakti mikla athygli í Frakklandi og víðar þegar það kom upp. Stúlkan er nú sjö ára. Læknar segja að hún hafi orðið fyrir varanlegum skaða vegna þessarar slæmu meðferðar og er andleg geta hennar á við getu tveggja til þriggja ára barns.
Það var bifvélavirki sem fann stúlkuna í farangursrýminu en mikill skordýrafjöldi við rýmið dró að sér athygli hans.
Saksóknari krafðist tíu ára fangelsis yfir konunni en hún var dæmd í fimm ára fangelsi. Hún var einnig svipt forræði yfir stúlkunni en hún og maður hennar fá að halda forræði yfir öðrum börnum þeirra hjóna.