Sprengja var sprengd í moskunni sem varð til þess að þakið féll og að minnsta kosti 60 manns létust samkvæmt frétt frá AP. Einnig kemur fram að tugir fólks eru særðir. Enn hefur enginn lýst yfir ábyrgð á árásinni en bæði Talíbanar og ISIS hafa verið virkir í austur Afganistan. Attaullah Khogyani, talsmaður landsstjórans í Nangarhar sýslu, segir að sprengjunni hafi verið komið fyrir undir pontu í moskunni.
„Bæði menn og börn eru á meðal þeirra sem létust og særðust í árásinni.“
Þessi árás kemur einungis einum degi eftir að Sameinuðu Þjóðirnar gáfu út skýrslu sem fjallaði um andlát Afgana í stríðinu en þau hafa aldrei veirð fleiri. Í skýrslunni er það tekið fram að aldrei hafa fleiri látist á mánaðartímabili heldur en í júlí á þessu ári. Einnig kom það fram að 2.563 almennir borgarar hafi látist á fyrstu mánuðum ársins en 5.676 hafa særst. .