Þrír kvenkyns starfsmenn á hjúkrunarheimili fyrir aldraða í Norður-Karólínu hafa verið handteknir, sakaðir um að etja sjúklingum með vitglöp út í slagsmál. Konurnar þrjár eru Marilyn Latish McKey 32 ára, Tonacia Yvonne Tyson tvítug, og Taneshia Deshawn Jordan 26 ára. Hafa þær verið ákærðar fyrir árás á einstakling með fötlun.
Þetta kemur fram á Huffington Post og miðillinn er með myndupptökur af slagsmálum þar sem meðal annars heyrist ein starfskonan kalla: „Kýldu hana í andlitið!“ Myndskeiðin sýna slagsmál milli sjúklinga þar sem konurnar hetja óspart til ofbeldis. Einnig sést ein þeirra ýta harkalega við sjúklingi. Ein kvennanna tók ofbeldið upp á snjallsíma sinn og hefur Huffington Post hluta þeirra gagna undir höndum. Þá kemur fram á einni upptöku að yfirmaður starfskvennanna virðist hafa sýnt mikið tómlæti gagnvart því sem þarna fór fram því einu sinni þegar hún var kölluð á vettvang vegna slagsmálanna brosti hún en spurði ekkert út í þau, heldur bendir á einn sjúklinginn sem hafði orðið fyrir ofbeldi og skipaði honum upp í rúm.
Réttarhöld yfir starfskonunum hefjast 14. nóvember.