Karlmaður í Mosvku, Rússlandi, gekk berserksgang eftir að hann missti af flugi sem hann átti bókað á Sheremetyevo flugvellinum. Karlmaðurinn hafði setið að drykkju á bar á flugvellinum og líklega gleymt að fylgjast með klukkunni.

Brottfararhlið var lokað þegar hann kom loks að því og brást maðurinn ókvæða við. Reyndi hann ítrekað að opna læsta hliðið en þegar það gekk ekki upp þá brá hann á það ráð að sparka niður skiltum og henda niður öllu lauslegu sem hann festi hendur á, þar á meðal tölvu á innritunarborði.

„Hann varð reiður og hóf að rústa innritunarborðinu og búnaðnum sem á því var,“ var haft eftir sjónarvott í rússneskum fjölmiðli.

Öryggisverðir voru fljótir til og snéru manninn niður. Í kjölfarið var farið með manninn á næstu lögreglustöð þar sem hann var ákærður fyrir óspektir á almannafæri.

Atvikið náðist á upptöku öryggismyndavélar á flugvellinum.

The DailyMail greindi frá og birti myndbandið