fbpx
Þriðjudagur 14.júlí 2020
Pressan

CNN neitar að birta auglýsingar frá Donald Trump

Kristján Kristjánsson
Miðvikudaginn 9. október 2019 21:30

Er hann sjúklega feitur? Mynd: Getty Images

Ekki missa af Helstu tíðindum dagsins í pósthólfið þitt

Lesa nánar

Bandaríska fréttastöðin CNN neitaði í síðustu viku að birta tvær auglýsingar frá kosningaframboði Donald Trump vegna forsetakosninganna á næsta ári. Segir sjónvarpsstöðin að ástæðan sé að í auglýsingunum sé ráðist á fréttamenn stöðvarinnar á ósanngjarnan hátt. Þar komi vísvitandi fram rangar upplýsingar um yfirvofandi ákæru á hendur forsetanum fyrir misnotkun valds og að þar komi fram óstaðfestar ásakanir um spillingu á hendur Joe Biden.

Tim Murtaugh, fjölmiðlafulltrúi framboðs Trump, staðhæfir að auglýsingarnar séu „algjörlega réttar og hafi verið yfirfarnar af lögmönnum“.

New York Times hefur eftir honum að CNN noti alla daginn í að vernda Joe Biden og því komi ekki á óvart að stöðin hafi ákveðið að vernda hann fyrir auglýsingum sem segja sannleikann.

Framboð Trump hefur birt auglýsingarnar á samfélagsmiðlum á undanförnum dögum. Önnur þeirra hefur titilinn „Biden Corruption“ (Biden spillingin) en þar koma fram óstaðfestar ásakanir á hendur Joe Biden fyrrum varaforseta.

Hin auglýsingin heitir „Coup“ (valdarán) en þar er vísað til fullyrðinga Trump um að demókratar séu að reyna að ræna völdm með því að hefja rannsókn á embættisfærslum hans. Í auglýsingunni eru demókratar sakaðir um að falsa sönnunargögn í málinu.

CNN hefur fallist á að birta þriðju auglýsinguna frá framboði Trump en í henni er farið yfir afrek forsetans á valdatíð sinni.

Það þarf kannski ekki að koma á óvart að Fox sjónvarpsstöðin hefur ekkert á móti því að birta auglýsingarnar enda er stöðin nokkurskonar málpípa Trump.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Nauðgaði nemanda og giftist honum svo – Nú er hún látin

Nauðgaði nemanda og giftist honum svo – Nú er hún látin
Pressan
Fyrir 2 dögum

Vísindamenn vara við bylgju heilaskaða af völdum kórónuveirunnar

Vísindamenn vara við bylgju heilaskaða af völdum kórónuveirunnar
Fyrir 4 dögum

Snjóölduvatn gefið best í sumar

Snjóölduvatn gefið best í sumar
Pressan
Fyrir 4 dögum

Fundu leynilegan pyntingaklefa og fangelsi í Hollandi

Fundu leynilegan pyntingaklefa og fangelsi í Hollandi
Pressan
Fyrir 5 dögum

Fjórðungur bandarískra vöruhúsa verður horfinn innan fimm ára

Fjórðungur bandarískra vöruhúsa verður horfinn innan fimm ára
Pressan
Fyrir 5 dögum

Flugfélag í vanda fer nýjar leiðir – Skiptir flugvélum út með járnbrautalestum

Flugfélag í vanda fer nýjar leiðir – Skiptir flugvélum út með járnbrautalestum