fbpx
Þriðjudagur 22.september 2020
Pressan

12 ára sonur hennar slasaðist alvarlega – Sáu myndböndin á YouTube og hermdu eftir

Ritstjórn Pressunnar
Mánudaginn 7. október 2019 19:00

Ekki missa af Helstu tíðindum dagsins í pósthólfið þitt

Lesa nánar

„Ég vil bara að allir viti að þessar áskoranir, eða hvað þetta er sem er vinsælt á YouTube, eru ekki þess virði að hætta lífi sínu fyrir,“ segir Tabitha Cleary, móðir tólf ára drengs í Michigan í Bandaríkjunum sem slasaðist alvarlega á dögunum.

Sonur hennar, Jason, og félagar hans höfðu séð myndbönd af hættulegum leik á YouTube þar sem ungmenni hella yfir sig eldfimum vökva, bera eld að og slökkva hann svo undir vatnsbunu. Til eru nokkur dæmi um alvarleg slys þar sem börn hafa leikið þennan leik.

DV fjallaði til dæmis um eitt tilvik í desember 2015 þar sem ellefu ára drengur, Oliver Sharp, þurfti húðágræðslu eftir að hafa slasast alvarlega. Oliver kveikti í bolnum sínum og tókst að slökkva hann. Þegar hann endurtók leikinn dundi ógæfan yfir og skaðbrenndist hann, meðal annars á baki.

Sonur Tabithu og félagi hans léku sama leik á dögunum. Félagi Jason setti eldfiman naglalakkseyði á líkama Jasons og bar eld að. Það er skemmst frá því að segja að Jason hlaut annars stigs brunasár á búk og handleggjum og þurfti hann að dvelja á sjúkrahúsi í fjóra daga. Það gekk hægar að slökkva eldinn en þeir félagar töldu.

Tabitha segir við NBC að slysið hefði getað orðið miklu alvarlega. Jason þótti sleppa ágætlega þrátt fyrir 2. stigs brunasár. Þá vekur hún athygli á því að þetta hafi ekki verið í fyrsta skiptið sem þeir félagar prófuðu þetta.

Forsvarsmenn YouTube sögðu í yfirlýsingu í janúar síðastliðnum að gangskör yrði gerður að því að fjarlægja myndbönd með hættulegum áskorunum eins og þessari.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Pressan
Í gær

Fjárframlög Michael Bloomberg gætu ráðið úrslitum forsetakosninganna í Flórída

Fjárframlög Michael Bloomberg gætu ráðið úrslitum forsetakosninganna í Flórída
Pressan
Í gær

Kínverjar segja enga þörf fyrir að bólusetja alla gegn kórónuveirunni á þessu stigi

Kínverjar segja enga þörf fyrir að bólusetja alla gegn kórónuveirunni á þessu stigi
Pressan
Fyrir 2 dögum

„Skýrasta merkið sem við höfum séð um líf utan jarðarinnar“

„Skýrasta merkið sem við höfum séð um líf utan jarðarinnar“
Pressan
Fyrir 2 dögum

Barbados vill verða lýðveldi og losa sig við Elísabetu II sem þjóðhöfðingja

Barbados vill verða lýðveldi og losa sig við Elísabetu II sem þjóðhöfðingja