Fjórum sinnum leitaði Alex Haes, 18 ára, á slysadeild vegna verkja í öðru hnénu. Læknar sendu hann alltaf heim og sögðu honum að sin hefði rifnað. Þeir áttuðu sig ekki á að hann var deyjandi en aðeins 14 klukkustundum eftir fyrstu komu á slysadeild var hann látinn.

Hann vaknaði að kvöldi í september 2017 með mikla verki í hnénu. Faðir hans fór strax með hann á Broken Hill sjúkrahúsið í New South Wales í Ástralíu. Þar var honum sagt að koma næsta dag. Þá var tekin mynd af hnénu en enginn læknir hafði tíma til að skoða myndina og þrátt fyrir mikla verki var ekki tekinn púls hjá Alex, blóðþrýstingur var ekki mældur og ekki líkamshitinn. Engar blóðprufur voru teknar. Af þeim sökum vissi enginn að Alex var sýktur af kjötétandi bakteríu sem var að draga hann til bana.

ABC skýrir frá þessu. Eftir að hafa leitað fjórum sinnum á slysadeild lést Alex á öðru sjúkrahúsi.

Málið er nú til rannsóknar hjá yfirvöldum en Broken Hill sjúkrahúsið hefur verið harðlega gagnrýnt fyrir framgönguna í málinu.