„Djöfull. Skrímsli. Ómerkingur.“ Það eru þung orð sem falla í garð Meghan Markle, hertogaynju og eiginkonu Harry Bretaprins, í nýrri ástralskri heimildamynd frá 60 Minutes. Þar er rætt við fjölda breskra álitsgjafa um hvernig hertogaynjunni hefur, að þeirra mati, tekist á aðeins hálfu ári að verða óþolandi í stað þess að vera elskuð af almenningi.

„Meghan Markle er mesti hræsnarinn.“ Segir einn álitsgjafinn og vísar þar til þess að hertogaynjan grípi öll tækifæri til að tala um loftslagsmáli en síðan ferðist þau hjónin um heiminn í einkaþotum.

Lizzie Cundy, sjónvarpsstjarna og fyrrum vinkona Meghan, meira en gefur í skyn að Meghan sé aðeins á höttunum eftir auði og áhrifum.

„Mér finnst að sú Meghan, sem ég þekkti, hafi breyst í konu sem er stjórnsöm. Hún vildi eignast frægan kærasta.“

Katie Hopkins, kaupsýslukona, skefur ekki utan af hlutunum og segir Meghan vera „engan“.

Sjónvarpsstöðin hefur birt kynningarmyndband fyrir þáttinn á samfélagsmiðla og ber það heitið „#Megxit! How Meghan Markle lost her sparkle.“

„Frá því að vera elskuð yfir í að vera óþolandi á hálfu ári. Hvað fór úrskeiðis hjá Meghan og hvaða áhrif hefur það á Harry?“ spyrja 60 Minutes í tísti sem hefur verið harðlega gagnrýnt.

#Megxit! How Meghan Markle lost her sparkle. From adored to insufferable in less than a year. What went wrong for Meghan, and how it affects hubby Harry. SUNDAY on #60Mins: Inside a Royal crisis. Can the ghost of Princess Diana save a fairytale? pic.twitter.com/dHtiPdwa7j

— 60 Minutes Australia (@60Mins) September 4, 2019