Daily Mail skýrir frá þessu. Þegar Ellis er spurður af hverju hann er enn að vinna stendur ekki á svari:
„Konan vill ekki hafa mig heima á daginn, henni finnst gott að henda mér út á morgnana.“
Segir hann léttur í bragði. Eiginkonan heitir Wendy og hafa þau verið gift í 63 ár. Hann segir hana vera „frábæra“ eiginkonu. Þau eiga tvö börn og sex barnabörn.
Eftir langan og gifturíkan feril sem skurðlæknir lagði hann hnífinn á hilluna og sneri sér alfarið að kennslu í líffærafræði. Hann segir að hann hafi alltaf haft áhuga á að kenna líffærafræði, það hafi verið áhugamál hans þegar hann starfaði sem skurðlæknir.
„Ég skrifaði bók um líffærafræði fyrir læknanema fyrir mörgum árum og hún er enn í fullu gildi. Mér finnst þetta enn mjög áhugavert. Að kenna læknisfræði er mjög praktískt.“
Bókin heitir Clinical Anatomy og hefur verið prentuð 13 sinnum.
Ellis hefur gert samning við vinnufélaga sína um að þeir eigi að segja honum ef þeim finnst hann ekki lengur fær um að sinna kennslunni.