Dagblaðið Bild segir að aðgerðin hafi einnig beinst gegn svartri vinnu. Saksóknarar segja að ráðist hafi verið í aðgerðina eftir að fjöldi tilkynninga barst um að fólki sé smyglað til Berlínar í miklum mæli og það misnotað í vinnu.
Meðal þess sem bent hefur verið á er að í byggingariðnaðinum sé það mjög algengt að fólk sé flutt sérstaklega til Berlínar og látið vinna fyrir lítil sem engin laun.
Aðgerðin teygði einnig anga sína til fylkjanna Brandenburg og Sachsen-Anhalt.
Meðal þeirra staða sem lögreglan gerði leit á eru byggingasvæði, verslanir og skrifstofur skattaráðgjafa.