Þrátt fyrir að það séu reiðhjól um allt í Kaupmannahöfn, eru langt frá því öll hjólanna í notkun. Í dag eru um það bil 32.000 yfirgefin hjól í dönsku höfuðborginni. Það þarf að breyta reglunum svo hægt sé að safna saman fleiri hjólum segja samtök reiðhjólamanna.

Karina Vestergård Madsen, starfandi tækni- og umhverfisborgarstjóri segir að hjólin séu um alla borg en að vandinn sé stærstur við lestarstöðvarnar. Hún segir að þetta skapi vanda, þar sem mikill skortur sé á hjóastæðum í borginni.

Þrátt fyrir að borgin fjarlægi fleiri hjól en nokkru sinni áður, en um 15 þúsund hjól voru fjarlægð á síðasta ári, nægir það ekki til þess að koma í veg fyrir að hjólin safnist upp. Samkvæmt Karina Vestergård Madsen bætast um 10 þús yfirgefin hjól við á ári hverju.

Auk þess að fjarlæga hjól sem skilin eru eftir á götum úti reyna borgaryfirvöld að fá fleiri íbúa borgarinnar til þess að fara með ónotuð hjól á endurvinnslustöðvar eða gefa þau til góðgerðarmála í stað þess að skilja þau bara eftir á næsta hjólastæði.

Einn þeirra staða sem tekur á mót notuðum hjólum er Café Exit á Vesterbro. Café Exit er lítið hjólaverkstæði sem gerir við gömul hjól svo hægt sé að selja þau, ágóðinn af sölu hjólanna er notaður til góðgerðarmála, svo sem ráðgjöf til fyrrum fanga. Tom Hansen hjá Café exit segir að mörg hjólanna geti dugað í mörg ár, oft þurfi bara að skipta um dekk, eða keðju. Mikil eftirspurn er eftir notuðum hjólum í Kaupmannahöfn.